2026 сыл кулун тутар 25 күнүттэн Саха өрөспүүбүлэкэтин ойуулуур-дьүһүннүүр музейа «аАРТык» тематическай экскурсияҕа ыҥырар.

Саха сирин ойуулуур-дьүһүннүүр искусствота сүүстэн тахса сыллаах историятыгар киэҥ далааһыннаах, үрдүк ситиһиилэрдээх кэмнэри туораан, күн бүгүн сайда, чэчирии турар. Аатырбыт, киэҥ биһирэбили ылбыт живописец, скульптор худуоһунньуктар, муосчуттар төрөөбүт култуурабыт, дойдубут ааспыт кэмин кэрчиктэрин, айылҕа, тулалыыр олох араас көстүүлэрин уустаан-ураннаан, иэйэн-куойан бэйэлэрин айымньыларыгар чаҕылхайдык көрдөрбүттэрэ.

Уус-уран айымньылар дьикти кистэлэҥнэрин арыйарга, айар-куттаах сүдү дьоммут чаҕылхай үлэлэрин саҥардан көрөргө ыҥырабыт. Төрөөбүт тылбытынан кэрэни кэрэхсиэх!

Музейга күүтэбит!

Буолар кэмэ уонна сирэ: 2026 с. кулун тутар 25 күнүттэн хас сэрэдэ (15.00 ч) уонна чэппиэр (14.00 ч) ахсын Саха Өрөспүүбүлэкэтин ойуулуур-дьүһүннүүр музейыгар, Киров аатынан уулусса, 9, 2 этээс.

Уһуна: 45 мүн.

Экскурсия өҥөтө: улахан дьоҥҥо – 650 солк; оҕолорго – 250 солк; устудьуон дьоҥҥо – 450 солк; пенсионердарга – 550 солк; элбэх оҕолоох ыалларга – 150 солк; (документ эбэтэр qr-код көрдөрөргүт ирдэнэр).

Билсэр телефон: 8 (4112) 33-52-79