Ыам ыйын 18 күнүгэр Саха Ɵрɵспүүбүлүкэтин уус-уран ойуулуур-дьүьүннүүр бас түмэлигэр аан дойду үрдүнэн сыллата ыытыллар «Түмэл түүнэ-2024» аахсыйа буолан ааста. Тэрээһин программата бу сылга биллэриллибит «Көлүөнэттэн көлүөнэҕэ. Дьиэ кэргэн кэриэс маллара» диэн тиэмэҕэ олоҕуран үс хайысханан арылынна: «Өбүгэ дойдута», «Үгэс уонна билиҥҥи кэм» уонна «Айар куттаах династиялар».

«Түмэл түүнэ» олус диэн дьон кэрэхсэбилин ылбыт үрдүк таһымнаах тэрээһин буолар. Бу түүн түмэл ыалдьыттара арт-медиацияларга, экскурсияларга уонна лекцияларга кыттыыны ыллылар, айар куттаах уонна идэлээх дьиэ кэргэн бэрэстэбиитэллэрин кытары сэһэргэстилэр, араас маастар-кылаастарга үөрэннилэр. Тэрээһиҥҥэ кыттыыны ыллылар: ырыа куттаах Михеевтар дьиэ кэргэн, эбээн норуотун үгэһин быстыбат ситимин «Һээдьэ» үҥкүүтүнэн көрдөрөр дьүһүйүүнү аҕыйах ахсааннаах хотугу норуоттар театрын артыыстара толордулар, Валентина Романова-Чыскыырай уонна «Кыырай» ырыа холбоһуга көҥүл дьүһүйүүлэрэ Светлана Иннокентьева күрүлгэн уруһуйун кытары ситимнэстилэр.

Киирии билиэттэринэн түмэл уонна кини доҕотторуттан өйдөбүнньүк бэлэхтэр оонньоннулар.

Бу үөрүүлээх күнү биһигини кытары үллэстибит бар дьоҥҥо улахан махталбытын тиэрдэбит! Аныгыс сылга түмэлгэ көрсүөххэ диэри!

Истиҥ махталбытын кыттыыны ылбыт уонна көмөлөспүт түмэл доҕотторугар тиэрдэбит: Михеевтар дьиэ кэргэннэригэр, Хотугу сир төрүт олохтоох аҕыйах ахсааннаах норуоттарын судаарыстыбаннай театрын коллективыгар, Валентина Романова – Чыскыырайга, «Кыырай» ырыа холбоһугар, Светлана Иннокентьева5а, ХИФУ уһуйааччатыгар Дарья Федотоваҕа, Саха сирин худуоһунньуктарыгар Николай Куриловка, Александр Манжурьевка, Саргылаана Ивановаҕа, Сардаана Ивановаҕа, Марианна Лукинаҕа, Наталья Николаеваҕа, Андрей Чикачевка, Василий Кравчукка, Туйаара Шапошниковаҕа, Күннэй Ивановаҕа – Йэн Сур, Мира Аргуноваҕа, Семен Нучекановка, Гаврил Никутовка.

Истиҥ махталбытын тирэх буолбут партнердарбытыгар тиэрдэбит: «BonAmi» французскай пекарняҕа (салайааччы Решетняк Н.В.), Петр Алексеев мастырыскыайыгар (салайааччы Алексеев П.К.), «Mone» кафеҕа (салайааччы Соловьев А.С.), «КопирТехСервис» хампаанньаҕа (салайааччы Никифоров А.Т.)!

Хаартыскалары манна көрүөххэ сөп: https://clck.ru/3Aj9sQ